करमाळा प्रतिनिधी
आमदार संजय मामा शिंदे यांच्या मार्गदर्शनाखाली करमाळा नगरपरिषदेच्या प्रभाग क्रमांक एक व दोन येथील विकास कामासाठी एक कोटी पंचवीस लाख रुपये मंजूर करण्यात आल्याची माहिती नगरसेवक संजय सावंत यांनी दिली.
यावेळी सावंत म्हणाले की, प्रभाग क्रमांक एक व दोन मधील विकास कामासाठी सावंत गल्ली येथे नगरपालिकेच्या मालकीच्या खुल्या जागेत बाग विकसित करणे व खेळणी बसवणे ओपन जिम साहित्य बसविणे तसेच मोहल्ला गल्ली येथील सर्व बोळामध्ये काँक्रिटीकरण करणे व संभाजीनगर परिसरात गटार बांधकाम करणे व रस्ता काँक्रीटकरण करणे या सर्व विकास कामाची लवकरच निविदा निघून कामास प्रारंभ होईल असे ते यावेळी म्हणाले.
सदर विकास काम मंजूर झाल्याबद्दल दोन्ही प्रभागातील नागरिकांनी समाधान व्यक्त केले.