करमाळा प्रतिनिधी
स्नेहालय न्यू इंग्लिश स्कूल रोशेवाडी येथे 76 प्रजासत्ताक दिन साजरा करण्यात आला. यावेळी शाळेचा परिसर तिरंग्याच्या थाटात सजवण्यात आला होता. मुख्य दरवाजावर रांगोळी काढण्यात आली. ठिकठिकाणी तिरंगा व तिरंग्यातील फुग्यांचे डेकोरेशन करण्यात आले होते. सकाळी 7.30 वाजता कार्यक्रमाला सुरुवात झाली. यावेळी स्नेहालय न्यू इंग्लिश स्कूलचे संस्थापक/अध्यक्ष जयंत दळवी व शाळेच्या मुख्याध्यापिका धनश्री दळवी यांनी भारत मातेचे व डॉक्टर बाबासाहेब आंबेडकर यांच्या प्रतिमेचे पूजन करून दीप प्रज्वलन केले. यानंतर ध्वजारोहणाचा व ध्वजवंदनाचा कार्यक्रम संपन्न झाला. तसेच यानंतर राष्ट्रगीत, झेंडा गीत गायन करून भारतीय संविधानाचे वाचन करण्यात आले.
त्यानंतर विद्यार्थ्यांनी आपले मनोगत व्यक्त केले. तसेच प्री प्रायमरी व प्रायमरी सेक्शन च्या ओम महेश कानगुडे व भावेश वेदनाथ गोदारा या दोन विद्यार्थ्यांचा बेस्ट स्टुडन्ट ऑफ द इयर म्हणून सन्मानचिन्ह देऊन गौरव करण्यात आला.
यावेळी विद्यार्थी, पालक, शिक्षक व शिक्षकेत्तर कर्मचारी उपस्थित होते.