गौरी विसर्जन महिला भाऊक
केत्तूर (अभय माने) करमाळा तालुक्याच्या पश्चिम भागासह संपूर्ण करमाळा तालुक्यात गौरी विसर्जन करताना महिला मंडळी भावुक झाल्या होत्या.यावेळी महिलांनी पारंपारिक पद्धतीने दोरे घेतले.दोरे घेण्यासाठी आलेल्या महिलांना,दहीभात, साखर यांचा प्रसाद देण्यात येत होता.
गुरुवार (ता. 12) सेजी भक्तीभावाने पूजा करून गौरीपुढे नैवेद्य ठेवण्यात आला.बुधवार (ता.11) रोजी सायंकाळ रिमझिम पावसाने हजेरी लावल्याने व्यत्यय आला होता तरीही बहुतांश महिला गौरी दर्शनाला बाहेर पडल्या होत्या.
गुरुवार (ता. 12) रोजी रात्री 9.51 पर्यंत गौरी विसर्जन असल्याने सायंकाळपासून गौरी समोर केलेली सजावट,विद्युत रोषणाई काढण्यासाठी महिला मंडळीची गडबड सुरू होती.यावेळी महिला भावुक झाल्या होत्या.
