जयप्रकाश बिले पब्लिक स्कूल मध्ये पालक सभेचे आयोजन
करमाळा प्रतिनिधी,
झरे भैरवनाथ प्रतिष्ठान संचलित जयप्रकाश बिले पब्लिक स्कूल झरे येथे पालक सभेचे आयोजन 9 ऑगस्ट 2023 रोजी
सेमिनार हॉलमध्ये केले होते. या कार्यक्रमासाठी प्रमुख पाहुणे म्हणून संस्थेचे संस्थापक अध्यक्ष जयप्रकाश बिले उपस्थित होते. तसेच संस्थेचे सचिव युवराज बिले उपस्थित होते. संस्थेच्या संचालिका व सर्व शिक्षकांना प्रोत्साहन देणाऱ्या डॉक्टर स्वाती बिले उपस्थित होत्या. या कार्यक्रमासाठी सर्व पालकांनी उपस्थिती दर्शवली. ही सहविचार सभा सकाळी 11 वाजता सुरू
झाली. या सभेमध्ये अनेक विषयावर चर्चा करून त्यावरती मार्ग काढण्यात आले. या सभेचा उद्देश मुलांच्या सर्वांगीण विकासासाठी महत्त्वाची ठरणार आहे. या सभेचे आकर्षण म्हणजे संस्थेचे संस्थापक अध्यक्ष जयप्रकाश बिले यांचे भाषण व मार्गदर्शन मुलांच्या भविष्यासाठी महत्त्वाचे ठरले. या सभेमध्ये सर्व मुद्दे एक मताने मंजूर झाले. ही सभा पार पाडण्यासाठी
शाळेचे मुख्याध्यापक खराडे सर व त्यांचे सहकारी शिक्षक वृंद यांनी खूप मेहनत घेऊन सभा यशस्वी पार पाडली. या कार्यक्रमाचे सूत्रसंचालन नम्रता साळुंखे व आभार प्रदर्शन सतीश कोंडलकर यांनी केले व सभा ठरलेल्या वेळेत यशस्वी संपन्न झाली.
