भाजपा व्यापार आघाडीच्या मागणीला यश
जितेश कटारिया यांनी मानले नगर पालिका प्रशासनाचे धन्यवाद
करमाळा प्रतिनिधी
पावसाळ्यापूर्वी करमाळा शहरातील नाले, गटारी आणि रस्त्यांची साफसफाई जलदगतीने करावी अशी मागणी भाजपा व्यापार आघाडीचे शहराध्यक्ष जितेश कटारिया यांनी काही दिवसांपूर्वी प्रसिध्दी पत्रकाद्वारे नगरपालिका प्रशासनाकडे केली होती.
त्यांच्या मागणीला नगरपालिका प्रशासनाने सकारात्मकता दाखवत शहरातील सर्व नाल्यांची साफ सफाई ला सुरुवात केली आहे. त्या सोबतच श्रीदेवीचामाळ रोड येथील आयडिबीआय बँक जवळील पुलावर संरक्षक कठडे नसल्यामुळे तो भाग
धोकादायक बनला होता गेल्या वर्षी नवरात्री वेळी ही बाब त्यानी नगरपालिका प्रशासनाच्या लक्षात आणून दिली होती. त्याला अखेर मुहूर्त लागून तेथील संरक्षक कठडे बांधण्याचे काम सुरू केले असून त्याबद्दल जितेश कटारिया यांनी प्रशासनाचे आभार मानले आहेत.
