करमाळा प्रतिनिधी
कमलाभवानी प्राथ. शिक्षक पतसंस्थेची 14 वी वार्षिक सर्वसाधारण सभा जिल्हा सोसायटी सभागृह करमाळा येथे चेअरमन विनोद वारे यांच्या अध्यक्षतेखाली उत्साहात संपन्न झाली. या सभेसाठी संस्थापक बाळासो गोरे तात्या, जिल्हा सोसायटी संचालक उमेश पाटील सर, हनुमंत सरडे सर, विलास शिराळ सर तसेच कमलाभवानी पतसंस्थेचे व्हा. चेअरमन मधुकर शिंदे सर, सचिव सुनील कदम सर, पतसंस्थेचे संचालक अमृत सोनवणे, संजय वाघमारे, राजकुमार खाडे, तात्यासाहेब जगताप, संतोष कुंभार, लक्ष्मण भंडारे, विद्या जाधव-कदम, मीराबाई जाधवर उपस्थित होते.
वार्षिक सर्वसाधारण सभेमध्ये 5 वी, 8 वी, शिष्यवृत्ती व नवोदय प्राप्त सभासद पाल्य तसेच MBBS, BAMS, NIT व PHD प्रवेशित सभासद पाल्यांचा तसेच SSC व HSC मध्ये प्रथम 3 सभासद पाल्यांचा गुणवंत विद्यार्थी म्हणून जिल्हा पुरस्कार प्राप्त आदर्श शिक्षक अनिल यादव व सुवर्ण जाधव यांचा शिक्षक रत्न तर उमरड, गोयेगाव, खातगाव 2, घोटी व शेरेवस्ती या शाळांचा तालुकास्तरीय आदर्श शाळा म्हणून सन्मानचिन्ह देऊन सन्मान करण्यात आला. कार्यक्रमाचे प्रास्ताविक पतसंस्थेचे सचिव सुनील कदम सर, विषय वाचन विनोद वारे सर, आभार तात्यासाहेब जगताप सर, स्टेज मोनिटरिंग अमृत सोनवणे व संतोष कुंभार सर यांनी तर उत्कृष्ट सूत्रसंचालन संचालक राजकुमार खाडे सर यांनी केले.
