करमाळा प्रतिनिधी
राष्ट्रवादी युवक कॉंग्रेस पक्ष, शरदचंद्र पवार गटाचे जिल्हाध्यक्ष गणेश पाटील यांनी राष्ट्रवादी युवक कॉंग्रेस पक्ष, शरदचंद्र पवार गटाच्या युवा जिल्हाउपाध्यक्ष पदी निवड बिटरगावचे दिगंबर राखुंडे यांची निवड केली आहे. याबाबतचे पत्र दिगंबर राखुंडे यांना देण्यात आले आहे.
या पत्रात असे म्हटले आहे की, राष्ट्रवादी युवक काँग्रेस पक्ष, शरदचंद्र पवार – पक्षाचे सोलापूर जिल्हा प्रभारी शरद लाड यांच्या मान्यतेने आपली राष्ट्रवादी युवक काँग्रेस पक्ष, शरदचंद्र पवार पक्षाच्या जिल्हाउपाध्यक्ष पदी नियुक्ती करण्यात येत आहे. शरदचंद्र पवार यांच्या विचारांनुसार पुढील काळात राष्ट्रवादी युवक काँग्रेस पक्ष, शरदचंद्र पवार पक्षाच्या माध्यमातून सर्वसामान्य युवकांच्या विकासात आपण भरीव कार्य कराल व पक्ष संघटना मजबुतीने उभी कराल ही अपेक्षा ! आपल्या निवडीबद्दल आपले अभिनंदन ! असे पत्रात सांगितले आहे.
निवड झाल्याबद्दल दिगंबर राखुंडे यांना भरभरून अभिनंदन व पुढील वाटचालीसाठी शुभेच्छा मिळत आहे. राखुंडे यांनी पक्षवाढीसाठी काम करेन व जनतेचे प्रश्न मिटवू असा विश्वास दाखवला आहे.