करमाळा प्रतिनिधी
करमाळा भुसार व्यापारी असोसिएशनचे अध्यक्षपदी विक्रांत मंडलेचा, उपाध्यक्षपदी मयूर दोशी, सचिव पदी प्रीतम लुंकड व सहसचिव पदी उत्कर्ष गांधी यांची एकमताने निवड करण्यात आली. यावेळी अध्यक्ष विजयकुमार दोशी, उपाध्यक्ष अनिल कुमार सोळंकी, सचिव मिलिंद दोशी यांचे सह सर्व व्यापारी उपस्थित होते. निवडी नंतर करमाळा कृषी उत्पन्न बाजार समितीच्या कार्यालयात बाजार समितीचे सभापती तथा माजी आमदार जयवंतराव जगताप यांनी सर्व नूतन पदाधिकाऱ्यांचा सत्कार करून त्यांना त्यांच्या भावी कारकीर्दि साठी शुभेच्छा दिल्या. यावेळी माजी आमदार जगताप यांनी करमाळा बाजार
समितीचे नावलौकिक टिकवून ठेवण्यामध्ये व्यापारी वर्गाची भूमिका महत्त्वाची असून शेतकऱ्यांनी कष्टाने पिकवलेल्या शेतमालाला योग्य भाव मिळण्यासाठी कसोशीने प्रयत्न करावा असे आवाहन केले. तसेच नूतन पदाधिकाऱ्यांच्या हातून शेतकरी हिताचे काम व्हावे अशा शुभेच्छा दिल्या. यावेळी अर्बन बँकेचे चेअरमन कन्हैयालाल देवी, माजी नगराध्यक्ष अमोद संचेती, बाजार समितीचे संचालक परेशकुमार दोशी, मनोज पितळे, बाळासाहेब पवार, माजी संचालक संतोष वारे, सुनील मेहता, कृषी अधिकारी देवराव चव्हाण, व्यापारी राजेंद्र चिवटे, गोरख ढेरे, कालिदास लोंढे, विलास जाधव, विपुल शहा,पप्पू कटारिया, शिरीष व्होरा, गिरीश दोशी, आशिष बोरा, जयराज चिवटे, प्रवीण कुटे आदी उपस्थित होते. आभार बाजार समिती सचिव विठ्ठल क्षिरसागर यांनी मानले.