करमाळा प्रतिनिधी
करमाळा तालुक्यातील करमाळा शहरांमध्ये असलेल्या जाधव-पाटील हॉस्पिटलमध्ये आई कमलाभवानी सामाजिक बहुउद्देशीय संस्थेच्या माध्यमातून रविवार दिनांक 21 जून 2026 रोजी मुळव्याध संबंधीच्या आजाराविषयी शिबिराचे आयोजन करण्यात आले होते. सदर शिबिराचे आयोजन मुळव्याध आजारासंबंधी महाराष्ट्र राज्यामध्ये नामांकित असलेले डॉ. प्रदीप तुपेरे व त्यांचे समवेत असलेले नामांकित डॉक्टर व त्यांची टीम यांच्या मार्गदर्शनाखाली संबंधित शिबिराचे आयोजन केले होते. सदर शिबिरामध्ये 83 रूग्णांनी सहभाग नोंदवला. मुळव्याध संबंधीच्या आजाराविषयी विविध तपासण्या करून
काही ऑपरेटिव्ह असणाऱ्या नागरिकांचे ऑपरेशन करण्यात आले. या सर्व सुविधा नाममात्र दरामध्ये या शिबिरामध्ये देण्यात आल्या जाधव-पाटील हॉस्पिटलचे सर्वेसर्वा असणारे डॉ. रोहन पाटील यांच्या आई कमला भवानी सामाजिक बहुउद्देशीय संस्था करमाळा यांच्या संयुक्त विद्यमाने हे शिबिर आयोजित केले होते. सदर शिबिरामध्ये 83 रुग्णांनी तपासणी करून घेतली त्यासाठी जाधव -पाटील हॉस्पिटल मधील त्यांचे डॉक्टर्स व संबंधित कर्मचारी यांनी सहकार्य करून नागरिकांना उत्तम अशी सेवा देण्यात आली. जाधव-पाटील हॉस्पिटलमध्ये इथून पुढेही करमाळा तालुक्यातील नागरिकांसाठी अशा प्रकारच्या वेगवेगळ्या रोगासंबंधीच्या शिबिरांचे आयोजन करण्याचा मानस असल्याचे नमूद केले शिबीर यशस्वी होण्यासाठी सचिव अभिजित पाटील, डॉ. शिवानी पाटील, अजिंक्य पाटील, तात्यासाहेब जाधव, महादेव भोसले, प्रमोद जगदाळे, त्याचबरोबर राहूल जाधव, शितल पेटकर यांनी सहकार्य केले.
त्याचबरोबर आई कमलाभवानी सामाजिक बहुउद्देशीय संस्थेच्या माध्यमातून विविध सामाजिक, आरोग्य विषय व शैक्षणिक सेवा देण्याचे कार्य या संस्थेच्या माध्यमातून केले जाईल याचा लाभ तालुक्यातील सर्वसामान्य नागरिकांना होईल असे डॉ. रोहन पाटील यांनी सांगितले. जिजाऊ पॅथॉलॉजिकल लॅब अत्याधुनिक तंत्रज्ञानासह सेवेत, आरोग्यसेवेत आधुनिक आणि अचूक तपासणी सुविधा 24 तास होम व्हिजीट सह उपलब्ध करून देण्याच्या उद्देशाने जिजाऊ पॅथॉलॉजिकल लॅब सुरू करण्यात आली आहे. अत्याधुनिक तंत्रज्ञान, आधुनिक उपकरणे आणि गुणवत्तापूर्ण सेवा यांच्या माध्यमातून रुग्णांना विश्वासार्ह व जलद तपासणी अहवाल देण्यावर भर देण्यात आला आहे.
या लॅबमध्ये विविध प्रकारच्या पॅथॉलॉजी तपासण्या आधुनिक यंत्रणेद्वारे केल्या जात असून अचूकता, स्वच्छता आणि वेळेचे नियोजन यांना प्राधान्य दिले जाते. डॉ. शिवानी रोहन पाटील यांच्या मार्गदर्शनाखाली ही सेवा उपलब्ध असून नागरिकांनी आधुनिक आरोग्य तपासणी सुविधांचा लाभ घ्यावा, असे आवाहन करण्यात आले आहे.
“अचूक निदान – उत्तम आरोग्य” हे ब्रीद घेऊन जिजाऊ पॅथॉलॉजिकल लॅब कार्यरत आहे. पाटील मेडिकल मध्ये योग्य औषधांसह सेवा उपलब्ध आहे. स्थानिक नागरिकांसाठी विश्वासार्ह सेवा देणारे पाटील मेडिकल येथे आवश्यक औषधे उपलब्ध असून ग्राहकांना योग्य मार्गदर्शनासह सेवा दिली जात आहे.
अभिजित पाटील यांच्या मार्गदर्शनाखाली मेडिकलमध्ये ग्राहकांच्या गरजेनुसार औषधांची उपलब्धता ठेवण्याचा प्रयत्न केला जातो. वेळेवर सेवा, आवश्यक औषधांची उपलब्धता आणि ग्राहकांशी जपलेला विश्वास हे या मेडिकलचे वैशिष्ट्य मानले जाते. “आरोग्याची काळजी – योग्य औषधांसह” या उद्देशाने सेवा सुरू असल्याचे सांगण्यात आले. त्याचबरोबर जाधव-पाटील हॉस्पिटल मध्ये अत्याधुनिक तंत्रज्ञान विकसित असलेली कॅथलॅब सुविधा डॉ. रोहन हेगडे, डॉ. स्वप्निल माळी, डॉ. रोहन पाटील यांच्या मार्गदर्शनाखाली सुरू करण्यात आली आहे.