जयप्रकाश बिले पब्लिक स्कूल मध्ये प्रजासत्ताक दिन उत्साहात साजरा
झरे -भैरवनाथ प्रतिष्ठान संचलित जयप्रकाश बिले पब्लिक स्कूल मध्ये प्रजासत्ताक दिन उत्साहात साजरा करण्यात आला. कार्यक्रमाची सुरुवात सकाळी ठीक आठ वाजता झाली. याप्रसंगी हरिदास डांगे माजी कार्यकारी संचालक विठ्ठल सहकारी साखर कारखाना पांडे तसेच प्राचार्य खाडे सर प्रमुख पाहुणे म्हणून उपस्थित होते. शाळेचे ध्वजारोहण डांगे यांच्या हस्ते करण्यात आले. यावेळी संस्थेचे संस्थापक अध्यक्ष जयप्रकाश बिले, सचिव युवराज बिले,संस्थेच्या संचालिका स्वाती बिले व सौ आशा बिले हे सुद्धा उपस्थित होते.यावेळी शाळेमध्ये विविध कार्यक्रमाचे आयोजन करण्यात आले होते. यामध्ये परेड, कवायत, संविधानावरती आधारित नाटक, मुलांची भाषणे असे विविध कार्यक्रम शाळेमध्ये घेण्यात आले. याप्रसंगी जयप्रकाश बिले सर यांचे भाषण लक्षवेधी ठरले. त्यांनी मुलांना खूप मोलाचे मार्गदर्शन केले. कार्यक्रम पार पाडण्यासाठी शाळेचे मुख्याध्यापक दादासाहेब खराडे व इतर शिक्षकांनी खूप कष्ट घेतले. परेड व कवायत चे नियोजन तानाजी हरणावळ यांनी केले तसेच कार्यक्रमाचे सूत्रसंचालन नफिसा घोडके व आभार प्रदर्शन कोंडलकर सर यांनी केले.