करमाळा प्रतिनिधी
हजरत इब्राहिम (अलैहिस्सलाम) आणि हजरत इस्माईल (अलैहिस्सलाम)ची कुर्बानी इस्लाममध्ये श्रद्धा, त्याग आणि अल्लाहप्रती पूर्ण समर्पणाचे महान उदाहरण मानली जाते असे मत करमाळा तालुका आणि करमाळा शहर काझी मुजाहिद मोहम्मद खलील काझी यांनी मांडले.
इस्लामिक परंपरेनुसार, हजरत इब्राहिम अलैहिस्सलाम यांना अल्लाहकडून स्वप्नाद्वारे आपल्या सर्वात प्रिय गोष्टीची कुर्बानी देण्याचा आदेश मिळाला. त्यांच्यासाठी सर्वात प्रिय व्यक्ती म्हणजे त्यांचे पुत्र हजरत इस्माईल अलैहिस्सलाम होते.
हजरत इब्राहिम यांनी हा आदेश आपल्या पुत्राला सांगितला. त्यावेळी हजरत इस्माईल यांनीही अल्लाहच्या इच्छेसमोर पूर्ण समर्पण दाखवत कुर्बानीसाठी तयारी दर्शवली. ही घटना वडील आणि पुत्र यांच्या अल्लाहवरील अतूट श्रद्धेचे प्रतीक मानली जाते.
जेव्हा हजरत इब्राहिम कुर्बानी देण्यासाठी पुढे झाले, तेव्हा अल्लाहने त्यांच्या निष्ठा आणि आज्ञाधारकतेवर प्रसन्न होऊन हजरत इस्माईल यांच्या ऐवजी एका प्राण्याची कुर्बानी स्वीकारली. अशा प्रकारे अल्लाहने मानवजातीला संदेश दिला की त्यांना रक्त किंवा मांस नव्हे, तर भक्तांची नीयत, श्रद्धा आणि त्याग महत्त्वाचा आहे.
याच ऐतिहासिक घटनेच्या स्मरणार्थ मुस्लिम समाज ईद-उल-अजहा साजरी करतो आणि कुर्बानी देतो.
अल्लाहप्रती पूर्ण विश्वास ठेवणे, सत्य आणि धर्मासाठी त्याग करण्याची तयारी ठेवणे, पालक आणि संततीमधील आदर व समर्पण, गरीब आणि गरजू लोकांना मदत करणे, अहंकार, स्वार्थ आणि वाईट विचारांचा त्याग करणे, ही कुर्बानी केवळ धार्मिक घटना नसून मानवतेला त्याग, संयम आणि निस्वार्थ भावनेची शिकवण देणारी प्रेरणादायी कथा मानली जाते. या घटनेतून हे संदेश मिळतात.