सोलापूर दि.08 (जिमाका) :- जिल्हा सैनिक कल्याण कार्यालय सोलापूर येथे नेव्ही मधील सेवा निवृत्त माजी सैनिकांचा मेळावा आयोजित केला असून, जिल्हयातील नेव्ही मध्ये सेवाकरुन निवृत्त झालेल्या माजी सैनिक/विधवांना तसेच त्यांच्या
अवलंबितास कळविण्यात येते की, जिल्हा सैनिक कल्याण कार्यालय सोलापूर येथे दिनांक 13 नोव्हेंबर 2024 रोजी सकाळी 11 वाजता Dondale A.S. POME, आय एन एस शिवाजी लोणावळा हे आपल्या अडीअडचणी सोडविण्यासाठी सोलापूर येथे
येणार आहेत. तरी सोलापूर जिल्हयातील नेव्ही मध्ये सेवाकरुन निवृत्त झालेल्या माजी सैनिक/विधवा तसेच त्यांच्या अवलंबितांनी उपस्थित रहावे. अधिक माहितीसाठी जिल्हा सैनिक कल्याण कार्यालय, सोलापूर यांचेशी संपर्क साधावा. असे आवाहन जिल्हा सैनिक कल्याण अधिकारी, सोलापूर यांनी केले आहे.
