करमाळा प्रतिनिधी
करमाळा तालुक्यातील स्वाभिमानी शेतकरी संघटनेच्या तालुका कार्यकारिणीच्या निवडी गुरुवार दिनांक 20/6/2024 रोजी करमाळा स्वाभिमानी शेतकरी संघटना कार्यालय जिन मैदान येथे ११.०० वाजता करण्यात येत आहेत. स्वाभिमानी शेतकरी संघटना ही सर्वसामान्य जनता व शेतकरी यांच्यावर होणाऱ्या अन्यायाविरुद्ध लढणारे संघटना आहे. तरी करमाळा
तालुक्यातील कार्यकारिणीचा कार्यकाळ संपला असल्याने कार्यकारिणी बरखास्त करण्यात आली होती. या कार्यकारिणीच्या निवडी संघटनेचे संस्थापक अध्यक्ष राजू शेट्टी यांच्या आदेशानुसार करण्यात येत आहेत. तरी करमाळा तालुका कार्यकारिणी निवडीसाठी शेतकरी व स्वाभिमानी शेतकरी संघटनेचे नेते कार्यकर्ते तसेच पदाधिकारी यांनी उपस्थित रहावे असे आवाहन स्वाभिमानी शेतकरी संघटनेचे सोलापूर जिल्हा कार्याध्यक्ष रवींद्र गोडगे यांनी केले आहे.
