मांगी परिसरात बिबट्या नागरिकांनी सतर्क राहावे
करमाळा प्रतिनिधी प्रवीण अवचर
मांगी येथील शेतकरी प्रीतम माळी हे त्यांचे लिंब घेऊन पिकप मध्ये पोथरे गावाच्या दिशेने जाताना त्यांना मांगी पोथरे हद्दीमध्ये शेतात बिबट्या वावरताना दिसलेला आहे. त्यांनी प्रत्यक्ष तो व्हिडिओ करून फॉरवर्ड केला त्यामुळे सर्वांनी मांगी आणि पोथरे शिवारातील नागरिकांनी तसेच शेतकरी बांधवांनी सतर्क रहावे.गेल्या दहा ते बारा दिवसापूर्वी मांगी कामोने शिवारामध्ये बिबट्या दिसला होता त्याचे ठसांचे फोटोही वन विभागाकडे देण्यात आले होते परंतु त्यांनी हे ठसे तरस या प्राण्याचे असण्याची शक्यता व्यक्त केली होती.
परंतु कालही मांगी शिवारातील वडगाव कडे जाणारी लिमटेकडी भागात हा बिबट्या काही शेतात काम करणाऱ्या महिलांना दिसल्याचे सांगण्यात आलेले आहे.तरी पुढील अनर्थ टाळण्यासाठी वन विभागाने लवकरात लवकर या बिबट्याचा बंदोबस्त करावा ही नागरिकांकडून मागणी होत आहे.