करमाळा प्रतिनिधी
साडे हायस्कूल उच्च माध्य. ता. करमाळा येथे आज कै. डॉ. शुभदा वसंतराव पुंडे यांच्या स्मरणार्थ वसंतराव पुंडे यांच्याकडून वह्या वाटप करण्यात आल्या.
कार्यक्रमाच्या अध्यक्षस्थानी प्रकाश मस्के मुख्याध्यापक हे होते तर प्रमुख पाहुणे म्हणून गणेश करे-पाटील (अध्यक्ष यशकल्याणी ग्रा. से. सं.) हे उपस्थित होते.
तालुकास्तरीय इंग्रजी वकृत्व स्पर्धेत ९ वी, १० वी गटातून प्रगती किशोर चव्हाण हिचा प्रथम व ७ वी, ८ वी गटातून अक्षता प्रमोद वेदपाठक हिचा तृतीय क्रमांक आल्याबद्दल दोघींचाही विशेष सत्कार करण्यात आला. महेंद्र पाटील व शंकर दिरगुळे शिक्षकांचे मार्गदर्शन लाभले.
कार्यक्रमावेळी गोकुळ बापू पाटील, डॉ. वसंतराव पुंडे, कमलाई नगरीचे संपादक जयंत दळवी, देविदास ताकमोगे सर, बाजीराव माने, बाळासाहेब ढवळे सर, नीलिमा पुंडे मॅडम हे उपस्थित होते.
कार्यक्रमाचे प्रास्ताविक रवींद्र पाटील यांनी केले. मनोगत गणेश करे पाटील, नीलिमा पुंडे मँडम यांनी व्यक्त केले आभार सचिन कुलकर्णी यांनी मानले तसेच सचिन गाडेकर यांनी सूत्रसंचालन केले.
