करमाळा प्रतिनिधी
शिवसेना सोशल मीडिया तालुका प्रमुख पदी तुषार जाधव यांची निवड करण्यात आली. सदर निवड ही गुरुवार दि. 4 सप्टेंबर रोजी पार पडली.
हिंदूहृदयसम्राट शिवसेनाप्रमुख बाळासाहेब ठाकरे व धर्मवीर आनंद दिघे यांच्या आशीर्वादाने शिवसेना मुख्यनेते उपमुख्यमंत्री एकनाथ शिंदे यांच्या आदेशानुसार खासदार डॉ. श्रीकांत शिंदे, शिवसेना उपनेते शहाजी बापू पाटील यांच्या मार्गदर्शनाखाली तसेच शिवसेना राज्य प्रमुख राहुल कनाल व उपराज्यप्रमुख प्रतिक दादा शर्मा, शिवसेना सोशल मीडिया सोलापूर जिल्हाप्रमुख अमित पाटील यांच्या शिफारसीनुसार ही निवड करण्यात आली.
निवडी नंतर जाधव म्हणाले की, शिवसेनेचे मुख्य नेते एकनाथ शिंदे यांच्या विचारानुसार महाराष्ट्रात आज जे विकास भूमुक आणि लोकाभिमुक प्रशासन राबत आहे तो विचार संपूर्ण महाराष्ट्रात व सोलापूर जिल्ह्यात पोहोचवण्याची जबाबदारी पाळेल व पक्षाचे काम तन मन धनाने करेल.
तसेच या निवडीनंतर सोलापूर जिल्ह्यातील शिवसेनेच्या सर्व आजी-माजी पदाधिकाऱ्यांनी भ्रमणध्वनीद्वारे जाधव यांना शुभेच्छा दिल्या तसेच सोशल मीडिया द्वारे शुभेच्छा देण्यात आल्या असून जाधव यांच्या निवडीचे स्वागत करमाळा तालुक्यासह जिल्ह्यातील पदाधिकारी, कार्यकर्ते व नागरिकांनी केले आहे.