गुळसडी गावासाठी जलजीवन मिशन योजनेअंतर्गत 1 कोटी 44 लाख निधी मंजूर -माजी सरपंच मानसिंग खंडागळे
करमाळा प्रतिनिधी
गुळसडी गावासाठी जलजीवन मिशन योजनेअंतर्गत 1 कोटी 44 लाख निधी मंजूर
आमदार संजय मामा शिंदे यांच्या प्रयत्नातून गुळसडी गावासाठी दोन कोटीहून अधिक निधी उपलब्ध माजी सरपंच मानसिंग खंडागळे यांनी माहिती दिली.
दरवर्षी उन्हाळ्यात गुळसडी गावातील ग्रामस्थांना होणाऱ्या पाणीटंचाई च्या समस्येवर कायमस्वरूपी तोडगा काढण्यासाठी करमाळा तालुक्याचे विकासप्रिय आमदार संजयमामा शिंदे यांच्या सूचनेनुसार गुळसडी गावासाठी जल जीवन मिशन योजनेअंतर्गत 1कोटी 44 लाख निधी मंजूर केला आहे. याचबरोबर गावाचे ग्रामदैवत व श्रध्दास्थान असलेल्या श्री काळभैरवनाथ मंदिरा समोर सभा मंडप साठी 7 लाख , काळभैरवनाथ मंदिरा समोर व हजरत ताजुद्दीन बाबा पीर साहेब यांच्या दर्गा समोर पेविंग ब्लॉक साठी 5 लाख , राम मंदिर खंडागळे वस्ती समोर सभा मंडप साठी 7 लाख व दलित वस्तीत रस्ता साठी 5 लाख व जाळे वस्ती येथे गुळसडी -कुंभेज रोडवर माऊली लोंढे यांच्या घरासमोरील पुला साठी 5 असे एकूण 29 लाख निधी मंजूर केला आहे असे माजी सरपंच मानसिंग खंडागळे यांनी सांगितले. एवढा भरीव निधी मंजूर केल्याबद्दल आमदार संजयमामा शिंदे यांचे संपूर्ण गुळसडी येथील ग्रामस्थांनी हार्दिक आभार व्यक्त केले.
