करमाळा प्रतिनिधी
महाराष्ट्र शासन कृषी विभागाच्या वतीने सोलापूर जिल्हा मासिक चर्चासत्र व प्रक्षेत्र भेटीचा कार्यक्रम दिनांक २९ जानेवारी २०२५ रोजी कोकरे आयलॅन्ड कुगाव / Kokare Island Kugaon या ठिकाणी द्रोपदी शेतकरी गट कुगाव व कृषी विभाग महाराष्ट्र राज्य याच्या समन्वयातून आयोजित करण्यात आला होता.
द्रोपदी शेतकरी गटाच्या माध्यमातून शेती क्षेत्रात करत असलेले विविध प्रयोग, विविध डेमो प्लॉट, शेतीत AI तंत्रज्ञानाचा प्रभावी वापर, केळीची परदेशातील निर्यात, शेतीचा पर्यटनासाठी वापर, मंडल कृषी विभाग जेऊर व तालुका कृषी अधिकारी कार्यालय करमाळा यांच्या मार्गदर्शनातून बदल करण्यात आलेली पिक पद्धती, महाराष्ट्र शासनाच्या वतीने अनुदानातून देण्यात आलेल्या अवजारांचा शेतातील प्रत्यक्ष वापर यांची सोलापूर जिल्ह्यातील कृषी खात्यातील अधिकारी व कर्मचारी यांनी प्रत्यक्ष पाहणी करुन समाधान व्यक्त केले अन् मार्गदर्शन केले. वनभोजनाचा आस्वाद घेऊन कोकरे आयलॅन्ड येथील उजनी बॅकवॉटर परिसरातील बोटींग चा आनंद घेतला.
यावेळी श्री कांतप्पा खोत प्रकल्प संचालक आत्मा सोलापूर, अभिजीत धेडे कृषि उपसंचालक जिल्हा अधीक्षक कृषी अधिकारी कार्यालय सोलापूर, संजय वाकडे उपविभागीय कृषी अधिकारी कुर्डूवाडी, रामचंद्र माळी उपविभागीय कृषी अधिकारी सोलापूर, देवराव चव्हाण तालुका कृषी अधिकारी करमाळा, हर्षद निगडे तालुका कृषी अधिकारी अक्कलकोट, अविनाश चंदन तालुका कृषी अधिकारी माढा, दिपाली जाधव तालुका कृषी अधिकारी सांगोला, आबासाहेब रुपनवर तालुका कृषी अधिकारी माळशिरस, मंगळूरे साहेब तंत्र अधिकारी सोलापूर, जीवन जगदाळे मंडळ कृषी अधिकारी बार्शी, सुधीर काशीद मंडळ कृषी अधिकारी बार्शी, सांगळे मॅडम मंडळ कृषी अधिकारी, मधुकर मारकड मंडळ कृषी अधिकारी जेऊर (आय एस ओ मानांकन), काशिनाथ राऊत मंडळ कृषी अधिकारी केम, अनिल चव्हाण मंडळ कृषी अधिकारी करमाळा, देवीदास चौधरी मंडळ कृषी अधिकारी केतुर, पंकज मडावी KVK मोहोळ, चंद्रकांत सरडे, मा. संचालक कृषी उत्पन्न बाजार समिती करमाळा विजय कोकरे, नवनाथ कोकरे, किसन कोकरे व करमाळा तालुक्यातील सर्व कृषी पर्यवेक्षक व कृषी सहाय्यक उपस्थित होते त्यावेळी सर्वांचे स्वागत द्रोपदी शेतकरी गटाचे अध्यक्ष धुळाभाऊ कोकरे यांनी केले.