उज्वलकुमार माने यांना मल्हारश्री पुरस्कार जाहीर
सोलापूर : पुण्यश्लोक अहिल्यादेवी होळकर जन्मोत्सव सोहळा समिती नाशिक आयोजित हिंदुस्थानचे युगपुरुष श्रीमंत सुभेदार मल्हारराव होळकर जन्मोत्सव सोहळा 2024 या कार्यक्रमाचे आयोजन चांदवड येथील रंगमहाल येथे 11 एप्रिल रोजी दुपारी 4 वाजता आयोजित करण्यात आले असून या समारंभात सोलापूरचे पत्रकार व लेखक उज्ज्वलकुमार माने यांना मल्हारश्री विशेष सन्मान हा पुरस्कार देऊन गौरविण्यात येणार आहे.
ही माहिती पुण्यश्लोक अहिल्यादेवी होळकर सार्वजनिक जन्मोत्सव सेवा समितीचे आयोजक व प्रहारचे जिल्हा चिटणीस समाधानभाऊ बागल आणि भाऊसाहेब राजोळे यांनी दिली.
चांदवड येथील रंगमहल अहिल्यादेवी होळकरवाडा येथे
आयोजित करण्यात आलेल्या या कार्यक्रमाला प्रमुख पाहुणे म्हणून होळकर संस्थानचे सोळावे वंशज श्रीमंत महाराजा युवराज यशवंतराव शिवाजीराव होळकर, मध्य प्रदेशातील धार मालटण गादीचे श्रीमंत महाराजा उदयसिंग पवार, सुरगाणा संस्थानचे श्रीमंत महाराजा रोहितराजे पवार, तळोदा संस्थानचे श्रीमंत अमरजितराजे बारगळ(जहागिरदार) यांच्यासह हिंदुस्थानातील स्वराज्याचे शिलेदार राजघराणे व सरदार घराण्याचे वंशज आदी मान्यवर उपस्थित राहणार आहेत
